Maqedoni-Shqipëri, Duka nuk i ka dëgjuar thirrjet raciste: Organizimi ishte perfekt, nuk meritonim më shumë se barazim

Presidenti i FSHF-së, Armando Duka, në një prononcim të shkurtër për “SuperSport” pas ndeshjes Maqedoni Shqipëri e cila u mbyll në barazim 1-1, konsideroi se organizimi I ndeshjes nga maqedonasit ishte bërë në mënyrë perfekte.

Ndërkohë në stadium u vërshëllye himni shqiptar, tifozët nuk u lejuan të hynin në stadium dhe kishte thirrje të vazhdueshme anti-shqiptare.

“Organizimi ishte perfekt dhe nuk e prisja që gjithçka të shkonte kaq mirë. Megjithatë, udhëtimi i largët ishte një problem më vete”, tha Duka.

Ndërkaq, ai pranoi se Shqipëria nuk e meritonte të dilte me një fitore nga Strumica për atë që dha në fushë. “Sa i takon ndeshjes, të jem i ndershëm, e pranoj se nuk e meritonim fitoren. Natyrisht që mund ta kishim arritur, por edhe mund të kishim humbur. Duhet të jemi të kënaqur me barazimin”, u shpreh Duka.

(B.H/Shuplaka)