Përfundon takimi i dytë informal i Ramës me ministrat në Velipojë

Vetëm pak minuta më parë ka përfunduar mbledhja mes kryeministrit Edi Rama  me ministrat e rinj të qeverisë në Velipojë.

Ky ishte takimi i dytë informal dyditor i kreut të qeverisë me ministrat pas takimit të parë në Llogara.

Qeveria “Rama 2” u mblodh sërish dje në orën 11:00 në një takim 2-ditor informal për të vendosur piketat e drejtimit të vendit për 4 vitet e ardhshme.

Takimi i Ramës me ministrat e rinj, përfshi edhe Gramoz Ruçin, e Taulant Ballën u mbajt në ambientet e kompleksit “Fishta” në Velipojë. Ditën e shtunë do të zhvillohet senaca e parë parlamentare në vend, ku do të futen në parlament ministrat  e kabinetit “Rama 2”. (J.V/Shuplaka)