Ëshdarë nga jeta akademiku Farudin Hoxhës në moshën 82-vjeçare. Kujtojmë që emri i akademikut të njohur lidhet me projektimin e një sërë veprash të rëndesishme hdiroenergjitike në vendin tonë. Për këtë lajm të hidhur ka reaguar edhe ministri Damian Gjiknuri.
MESAZHI I GJIKNURIT
Me hidhërim mësova lajmin e trishtuar për ndarjen nga jeta të Profesor Farudin Hoxhës. Lajm i rëndë, që prek familjarët e tij, kolegët, miqtë dhe dashamirësit e shumtë. Profesor Farudini do të mbahet mend gjatë si projektuesi i disa prej veprave më madhështore të energjitikës në Shqipëri. Pavarësisht gjendjes së rënduar shëndetësore, ai nuk reshti për asnjë ditë së kontribuari me mendimet dhe këshillat e tij të vyera. Familja humbi njeriun e dashur! Kolegët dhe miqtë humbën bashkëudhëtarin e shumë sfidave! Sektori elektroenergjitik humbi njeriun që me veprat e tij nuk do të harrohet asnjëherë. Të gjithë, kemi humbur një njeri të mirë! U prehsh në paqe Farudin! (J.V/Shuplaka)
Discussion about this post