Ditën e sotme është 19-vjetori i ndarjes nga jeta të Azem Hajdarit dhe në nderim të tij Partia Demokratike ka organizuar homazhe pranë ish-selisë së kësaj force politike.
Në Memorialin e Dëshmorit të Atdheut Azem Hajdari, foli edhe vajza e tij Rudina Hajdari, e cila është zgjedhur deputete për këto katër vitet e ardhshme.
“Ndihem shumë e prekur sot se përveçse kujtojmë liderin historik të PD, emocion i veçantë për mua se kujtojmë babin tim. Megjithëse kanë kaluar 19 vjet ne prapë jemi të bashkuar më shumë se kurrë të ngremë lart figurën, vlerat dhe partinë që ai solli me vlerat më të vërtetë më të moralshme.
Jemi akoma më të bashkuar me PD sot që ta çojmë atë përpara dhe ti tregojmë vendit se meritojmë një Shqipëri më të mirë e me vlera. Jam shumë e emocionuar edhe për një fakt tjetër, që unë sot do të flas në Kuvend si deputetet e PD dhe do flas në këtë ditë, ishte koincidencë dhe dëshirë e atij, dhe ju siguroj ju se do jem zë i fortë i opozitës shqiptare, do mbroj interesat e kombit tim, të atyre që duan ta çojnë vendin përpara, le t’i bashkohemi sot dhe të jemi frymëzim për ta bashkuar Shqipërinë më shumë sesa kurrë”- ishte mesazhi prekës u Ridina Hajdarit.
Më pas, fjalët e fundit që Rudina tha ishin: “Premtoj që do jem një zë i fortë i opozitës shqiptare.”. Një mbyllje me një zotim, që i shkon mjaft përshtat edhe këtij rasti, ku vajza ndjek gjurmët e të atit. (D.D/Shuplaka)
