Ish-strategu i Shtëpisë së Bardhë Steve Bannon, e ka cilësuar shkarkimin e ish-drejtorit të FBI-së James Comey si njërin prej gabimeve më të mëdha në “historinë politike moderne”, duke kritikuar kështu haptazi presidentin Donald Trump.
Këtë deklaratë, Bannon e ka bërë ndërsa ishte i ftuar në në emisionin “60 Minuta” të rrjetit CBS.
“Nuk ka asnjë dyshim se po të mos ishte pezulluar James Comey nga puna, sot ne nuk do të kishim një prokuror të posaçëm, nuk do të kishim një hetim nga Mueller dhe as gamën e gjerë të veprimit të cilën është e qartë që ai po e kërkon”, deklaroi Banon.
Kujtojmë se largimi i Comeyt nga FBI nuk u prit mirë nga pjesa më e madhe e publikut, ndërsa u shkaktuan edhe mjaft debate lidhur me këtë çështje.
Debati u forcua edhe më shumë kur prokuror i posaçëm Robert Mueller u caktua për hetimin e ndërhyrjeve ruse në zgjedhjet presidenciale të 2016-s, duke verifikuar këtu edhe lidhjet potenciale të Moskës me fushatën e Donald Trump. (D.D/Shuplaka)
Discussion about this post