Në ka një simtptomë që shpeshherë na shqetëson pa mundur t’i japim dot përgjigje është zhumra në vesh. Ndërkohë që shkaqet që e shkaktojnë janë të ndryshme.
Një përgjigje për të gjithë të prekurit e ka Anjeza Kuçi, mjeke ORL në Poliklinikën e Specialiteteve Nr.3, Tiranë.
“Zhurma në vesh është një simptomë që mund të vijë nga disa patologji. Dëmtimi i nervit të dëgjimit nga mosha, puna me zhurmë, sëmundjet sistemi si hipertensioni, diabeti, hiperlipidemite, mund të vijë nga probleme të veshit të mesëm, si otitet media kronike, otosclerosis, sëmundja e veshit të brendshëm ose sëmundja e Menierit, problemet e spondiloatrozës së pjesës cervikale të shtyllës kurrizore, migrena etj.
Pasi bëhet vizita tek mjeku ORL, bëhet audiograma dhe diagnoza diferenciale me sëmundjet e tjera, përcaktohet nëse mund të zgjidhet problemi me terapi medikamentoze, rastet kur terapia nuk jep efekt dhe rastet kur zhurma menaxhohet me vendosjen e protezës akustike apo aparatit të dëgjimit.
Pra, mund ta kuptoni se vetëm pas një vizite specifike te mjeku ORL mund të jepet recetë, sepse çdo rast është i ndryshëm”, thotë ajo për gazetën ‘’Shëndeti”.
(E.K/SHUPLAKA)
Discussion about this post