“As frikë as pendim, kam parë në ëndërr nënën”, flet për herë të parë pas vendimit për ekstradim Ismail Morina

Pas vendimit për ekstradim në Serbi, Ismail Morina ka thyer heshtjen nga burgu i Dubrovnikut në Kroaci.

Në një intervistë për “Top Channel” ai ka siguruar bashkëshorten e tij e cila i trembej një vetëflijimi të Ismailit nisur nga situata e tij jo e mirë.

“Kuptohet që nuk ndihem mirë ne një burg dhe për më shumë kur mendoj se për çfarë akuzohem. Thjesht akuza qesharake, pa asnjë bazë ligjore. Nuk kam pasur më parë dhe as nuk kam frikë, publiku mund ta perceptojë edhe si frikë, por unë vetë jam i pastër sa i përket frikës. Zgjedhjen time e kam bërë me kohë që nuk lë vend për frikë”.

Ndërsa për sa i përket zyrtarëve të lartë Morina ka thënë se ata kanë bërë atë që duhet të kishin bërë kohë më parë.

 “Ndaj bashkëkombësve të mi pretendoj më shumë jo thjesht për situatën time, por në përgjithësi. Sa i përket zyrtarëve të lartë ata thjesht po bëjnë atë që duhet të kishin bërë më parë, por shprehja e vjetër popullore thotë: “Më mirë vonë se kurrë.” Policia kroate ka qenë profesionale dhe ju garantoj se e duan shumë vendin e tyre”.

Po ashtu ai tregon se nuk është penduar për asgjë, zbulon komunikimin me të emen në ënderr dhe se ka lajme të mira.

 “Qëllimet e mija kanë qenë të pastra, pa nuanca ekstremizmi ndaj fesë, etnisë apo çfarëdo tjetër, nuk ndihem as minimalisht i penduar për asgjë, thjesht krenar për origjinën, të qenurit SHQIPEEEE!!”

 “Kam parë në ëndërr plakën (nënën) jo më larg se dje, që më thoshte se do të lirohem më 2 prill të vitit tjetër”, përfundon Morina.

(S.SH/Shuplaka)