Paul McClean, një reporter i ri i cili u bashkua me Financial Times dy vjet më parë
ka ndërruar jetë të enjten, pasi u sulmua nga një krokodil në Sri Lanka. Ai ndodhej atje për pushime.
Një dëshmitar i rastit, i cili ishte rreth 10 metra larg në atë kohë, tha se papritmas dëgjoi një peshkatar që bërtiste. Ai kishte vrapuar dhe një peshkatar i kishte thënë se një krokodil ka tërhequr një turist, shkruan The Ëashington Post.
“Në minutat e fundit i pamë gishtat, u munduam ta gjejmë edhe trupin por s’e gjetëm”- thotë ky dëshmitar.
Autoritetet locale të premten në mëngjes kanë gjetur trupin e gazetarit në një lagunë, rreth 50 metra nga bregu.
“Ne jemi duke bashkëpunuar ngushtë me familjen tonë dhe me Zyrën e Komonuelthit dhe duke ofruar ndihmën e FT,” tha James Lamont, redaktor menaxhues i FT. “Mendimet tona janë me familjen, miqtë dhe të dashurit e tyre, ne jemi në kontakt me ta, duke bërë gjithçka që mundemi për të ndihmuar gjatë kësaj kohe të vështirë”.
Lamont përshkroi McClean si një “gazetar i talentuar, energjik dhe i përkushtuar i ri” i cili kishte “një karrierë të madhe përpara tij në FT”.
Në postimin e tij të mëparshëm në Bruksel, McClean krijoi një reputacion si një yll në rritje me ekskluzivitete të thella, duke përfshirë edhe zbulimin e tij se Britania do të duhej të rinegociojë jo më pak se 759 traktate me 168 vende pas votimit të saj për t’u larguar nga BE. Shifrat befasuese u përcollën gjerësisht nga media të tjera.
(B.H/Shuplaka)
