Në katër vjetorin e vrasjes së një aktivisti antifashist, rrugët e Athinës u mbushën nga mijëra protestues. Koktej molotov dhe gazlotsjellës përfshinë rrugët e kryeqytetit grek, mbrëmjen e shkuar në një tubim të krahut të majtë.
Rreth 3,000 vetë marshuan në kryeqytetin grek në kujtim të Pavlos Fyssas, i cili u vra nga një përkrahës i partisë ultra të djathtë të Agimit të Artë në vitin 2013. Mirëpo protesta nga paqësore u bë mjaft e dhunshme, duke mbushur gazetat ndërkombëtare.
Pas mbledhjes në sheshin Syntagma të qytetit, demonstruesit marshuan përkrah Ambasadës së SHBA, përpara se të shkonin në zyrat e Agimit të Artë, duke kënduar: “Pavlos është i gjallë, shtypni nazistët!”.
Mbyllja e zyrave të Agimit të Artë dhe burgosja e anëtarëve të tij, ishin dy kërkesat kryesore të protestuesve. Mirëpo pasi policia bllokoi marshimin e tyre, nisën edhe trazirat.
Disa prej protestuesve hodhën koktej molotovi dhe policia u përgjigj me gaz lotsjellës. Më pas një grup i vogël hodhi bomba zjarri
Si rezultat i kësaj proteste, janë arrestuar rreth pesë persona, ndërkohë që një 16 vjeçar ka mbetur i plagosur. Ai u godit nga një makinë gjatë protestës dhe është dërguar me urgjencë në spital. (D.D/Shuplaka)
Discussion about this post