Ish-nënkryetari i PD-së Astrit Patozi u ka dhënë përgjigje shumë dilemave dhe pyetjeve të gazetarëve dhe analistëve për situatën politike aktuale të PD-së. Mbrëmë në “Top Story” Patozi u pyet nëse e ka menduar ndonjë ditë krijimin e një partie të re.
“Jo. Qëllimi jonë është jo vetëm ringritja e PD-së por edhe ringritja e Shqipërisë” – tha Patozi, duke shuar momentalisht zërat se do të ketë një parti tjetër dalë nga të pakënaqurit e PD-së.
“Nëse dikush ja lejon vetes të bëjë një farsë tjetër megjithëse gjendja është kaq serioze sa e përshkruan gjatë emisionit do të ishte shumë qesharake. Lulzim Basha pati garë me veten, pra nuk garoi me njeri. Bëri votime si në kohën e Enver Hoxhës.
Nëse kjo parti do të shpëtojë nga sindromi i humbjeve do të ketë shpëtim të konsiderojë alternativën tjetër. Duhet t’i drejtohesh anëtarësisë. Alternativa për lëvizjen e Partisë Demokratike. Kjo do të jetë alternativa jonë. I bëjmë thirrje të gjithë demokratëve që të bashkohen me nismën tonë”, – shtoi ai.
Na mbetet të presim nëse ky qëndrim do të mbahet deri në fund, apo Patozi dhe shumë prej të pakënaqurve me Bashën do paraqesin një alternative si parti para qytetarëve.
(E.K/SHUPLAKA)
Discussion about this post