Kokëdhima fton opozitën të reagojë fuqishëm për Reformën Zgjedhore: Ndryshe të mos qahet kur Rama vjedh votat

Kokëdhima fton opozitën të reagojë fuqishëm për Reformën Zgjedhore: Ndryshe të mos qahet kur Rama vjedh votat. 

”Zgjidhja” kërkon që Reforma Zgjedhore të nis zbatimin që nga zgjedhjet lokale që do të mbahen në vitin 2019. 

”ZGJIDHJA fton fuqimisht opozitën tjetër që të na ndjekë në këtë kërkesë legjitime, përndryshe ajo të mos vijë të qahet kur Rama të vjedhë e të blejë masivisht edhe votat për bashkiaket . Rilindja po përpiqet që ta lidhë reformën zgjedhore me dhënien e të drejtës për votim emigrantëve”, thuhet ndër të tjera në reagim. 

REAGIMI I ZGJIDHJES: 

Qeveria kërkon që ta shtyjë reformën zgjedhore në kalendat greke. Taulant Balla, njoftoi hapjen e konsultimet për reformën zgjedhore, një kërkesë e vazhdueshme e ZGJIDHJA-s, e mbështetur së fundmi edhe nga PD-ja. Sipas tij, mazhoranca angazhohet për një reformë zgjedhore më 2021!

E pangopur me krimet elektorale të 25 qershorit, Rilindja shpreson që ta mbajë në fuqi kodin zgjedhor aktual edhe në zgjedhjet vendore të vitit 2019. Ne u themi një “Jo” të prerë këtyre manovrave të ulëta elektorale. Kodi i ri të votohet brenda 6 muajsh.

ZGJIDHJA fton fuqimisht opozitën tjetër që të na ndjekë në këtë kërkesë legjitime, përndryshe ajo të mos vijë të qahet kur Rama të vjedhë e të blejë masivisht edhe votat për bashkiaket . Rilindja po përpiqet që ta lidhë reformën zgjedhore me dhënien e të drejtës për votim emigrantëve.

Në zgjedhjet vendore nuk është e domosdoshme vota e diasporës. Ne e denoncojmë këtë përpjekje të Edi Ramës për të sabotuar kodin e ri zgjedhor. Bashkohuni me ZGJIDHJA-n për pastrimin përfundimtar të zgjedhjeve. #ZgjidhjaPërVOTËNeLirë.

(E.K/SHUPLAKA)