Ditën e sotme fadromat e IKMT-së kanë nisur punën për të prishur banesat në Shkozë. Pavarësisht protestave, shembja e shtëpive ka nisur me urgjencë që herët në mëngjes duke pikëlluar banorët e plot 153 shtëpive.
Mirëpo, ndërkohë që në Shkozë po ndodh kjo ngjarje kaq e rëndë për banorët të cilët kanë investuar kursimet e një jete në ato banesa, kryetari i Bashkisë së Tiranës Erion Veliaj po kujdeset për gjelbërimin në një pjesë tjetër të kryeqytetit.
“Punë të vogla, por të bëra me shumë dashuri! Kolegët tanë, janë çdo ditë, duke u kujdesur për hapësirat e gjelbra të Tiranës, shtëpisë tonë të madhe.”, shkruan Veliaj, i cili ka ndarë edhe fotografitë e punonjësve të bashkisë që po kujdesen për pemët.
Edhe pse në Shkozë po ndodhin këto trazira, ku gjenden policë të armatosur deri në grykë, ndërsa një pjesë e familjarëve janë ngujuar në banesat e tyre, Veliaj nuk është paraqitur për të qetësuar banorët, apo për të biseduar me ta. E vetmja politikane që është paraqitur atje është Grida Duma nga opozita. (D.D/Shuplaka)
[ngg_images source=”galleries” container_ids=”2805″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post