Konflikt për pronën, dy vëllezërit nga Cërriku ushtrojnë dhunë ndaj xhaxhait

Dy vëllezër nga Cërriku kanë rënë në prangat e policisë, pasi janë konfliktuar keqazi me xhaxhain e tyre.

Dy të rinjtë, Denis Dybeli, 22 vjeç dhe Gerald Dybeli, 20 vjeç, banues në fshatin Xherije, janë zënë për cështje pronësie.

Dy ditë më parë, në rrugën e fshatit, kanë ushtruar dhunë fizike dhe psikologjike ndaj xhaxhait të tyre40 vjeçar, me inicialet A.D. Ky i fundit, si pasojë e dhunës së ushtruar ndaj tij, ka marrë lëndime të shumta.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje, kryer në bashkëpunim”. (D.D/Shuplaka)