Presidenti i Kosovës, Hashim Thaçi, i cili po udhëheq një delegacion të Kosovës në Organizatën e Kombeve të Bashkuara në Nju-Jork, ka takuar sot kryetarin e Këshillit Evropian, Donald Tusk.
Gjstë takimit Presidenti Thaçi, diskutoi me Tuskun për rrugëtimin evropian të Kosovës dhe e falënderoi për mbështetjen e dhënë në këtë drejtim.
Ndër të tjera Thaçi ka thënë se Kosova mbetet e përkushtuar për të ardhmen e saj evropiane.
“Kemi bërë hapa të rëndësishëm në rrugëtimin tonë drejt familjes së madhe evropiane. Procesi i integrimit të Kosovës në Bashkimin Evropian duhet të përshpejtohet me veprime konkrete. Është jetike për shtetin tonë dhe mbarë rajonin që BE-ja të mbetet e angazhuar në Ballkanin Perëndimor”, tha Thaçi.
Ndërkohë Thaçi pritet të ketë dhë një takim me presidentin, Trump, dhe Zonjës së Parë, Melania Trump. Po ashtu Presidenti Thaçi do të marrë pjesë edhe në takimin e krerëve të gjashtë shteteve të Ballkanit Perëndimor, me nikoqire Përfaqësuesen e Lartë të Bashkimit Evropian për Punë të Jashtme dhe Politkë të Sigurisë, Federica Mogherini.
(S.SH/Shuplaka)
Discussion about this post