Ditën e sotme, deputetët demokratë Edi Paloka, Albana Vokshi dhe Rudina Hajdari vizituan banorët në Shkozë për të dhënë mbështetjen e tyre për faktin se po iu prishen shtëpitë.
Nënkryetari i Partisë Demorkatike, Edi Paloka, u shpreh se shteti i drejtuar nga Edi Rama, mbron të fortët në të kundërt nga qëllimi që një shtet duhet të ketë: Të mbrojë të varfrit.
“Kjo është përgjigja e Ramës dhe e qeverisë së tij. Shteti ngrihet për të ndihmuar të pamundurit, vetëm shteti i Edi Ramës ngrihet për të mbrojtur të fortët. Ne jemi këtu për të mbrojtur banorët. Ata duhet të kompesohen me vlerën e tregut dhe banorëve duhet që tiu jepey kohë të sistemohen si njerëz, jo si kafshë”, u shpreh Paloka.
Mirëpo në një moment, një banor i ka sulmuar deputetët demokratë, duke u thënë: Boll bëtë shoë!
Por, një gjë e tillë nuk i pëlqeu Palokës, i cili iu afrua banorit duke i thënë: Si the ti?! Deputetët e tjerë demokratë, duke filluar nga Vokshi e deri tek Bumçi, i shkuan pas Palokës duke u munduar ta qetësonin. “Edi, Edi, prit, Edi”, thërrisnin të gjithë. (D.D/Shuplaka)
Discussion about this post