Në vendin e quajtur “Përroi i Drenit” në Devoll janë kapur nga policia 2 kilogramë e 700 gramë hashash. Nga ana e policisë po punohet për identifikimin, kapjen e autorëve si edhe zbardhjen e plotë të rrethanave të ngjarjes.
DETAJE:
Më datë 20.09.2017, gjatë patrullimit dhe kontrollit të ushtruar nga shërbimet e kufirit të gjelbër, të Stacionit të Policisë Kufitare Kapshticë, në afërsi të rrugës nacionale Bilisht-Kapshticë në vendin e quajtur “Përroi i Drenit”, u konstatuan dy çanta sportive brenda të cilave u gjet dhe sekuestrua në cilësinë e provës materiale një sasi prej : 2 Kg e 700 gram lëndë e dyshuar narkotike Cannabis Sativa. Nga ana e Policisë po punohet për identifikimin, kapjen e autorëve si edhe zbardhjen e plotë të rrethanave të ngjarjes. Veprimet proceduriale të rastit u kryhen nga Specialistët e Seksionit për Narkotikët, në Drejtorinë Vendore të Policisë Korçë. Materialet i kaluan Prokurorisë të Rrethit Gjyqësor Korçë për veprën penale : “Prodhimi dhe shitja e narkotikëve” parashikuar nga neni 283/1 i Kodit Penal. (J.V/Shuplaka)
