Bashkia e Tiranës ka përfunduar punën për rikonstruksionin e rrugës “Imer Ndregjoni” në zonën e “Oxhakut” në Njësinë nr.4.
Kjo rrugë lidh Njësinë 3 me rrugën kryesore të Njësisë 4. Vetë kryetari i Bashkisë së Tiranës, Erion Veliaj inspektoi punimet e realizuara, ndërsa theksoi se falë këtij projekti i është dhënë fund problematikës që ajo shkaktonte te banorët dhe drejtuesit e automjeteve.
Ai shprehet se dhjetë mijë banorët e njësisë 4 kanë një rrugë të re, me infrastrukturë nëntokësore, ndriçim dhe gjelbërim.
“Jam shumë i lumtur që kthehem sot dhe shoh këtë punë fantastike në Rr. “Imer Ndregjoni”. Kjo ka qenë një rrugë famëkeqe e Tiranës, rruga e Oxhakut, ku dikush mendohej mirë kur kalonte në verë nga pluhuri dhe nga balta në dimër, kurse sot është një situatë krejt tjetër. Jo vetëm rruga me cilësi më të mirë, por edhe vende të reja të parkimit, hapësira të gjelbra, rregullim fasadash”, tha Veliaj.
Ndër të tjera, Veliaj tha që paralelisht po punohet edhe në rikonstruksionin e plotë të rrugës së “Dibrës”.
“Është një rrugë që lidh dy njësi, 3 me 4, dhe besoj që me ndërhyrjen që do të bëjmë edhe në Rr. e “Dibrës” ku do të tërhiqet edhe muri i Shkollës së Bashkuar për ta bërë më funksional gjithë atë trotuar, pra pa hipur e zbritur disa herë shkallët, që të jetë i aksesueshëm nga të moshuarit, nga ata me aftësi të kufizuar, besoj që e gjithë lagjja konturohet”, u shpreh Veliaj. (D.D/Shuplaka)
[ngg_images source=”galleries” container_ids=”2819″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post