Një ditë më parë Shqipëria u skualifikua nga vendet kandidate ku mund të luhej Superkupa e Europës në vitin 2019.
Sot, Federata Shqiptare e Futbollit ka hapur dyert e stadiumit “Arena Kombëtare”. Edhe pse ende nuk mund ta quajmë një stadium, pasi vazhdon të jetë thjesht një kantier ndërtimi.
Presidenti i FSHF-së, Armand Duka, bashkë me arkitektin Marko Kazamonti kanë pritur mediat në kantierin e ndërtimit, për të treguar se si vijon puna për ndërtimin e impiantit më të madh futbollistik në vendin tonë.
Në deklaratën e tyre për mediat, zbuluan se impianti do të jetë gati në vjeshtën e vitit 2018-të.
“Jemi të lumtur si po ecin punimet dhe në fund të vitit 2018 do të jetë gati për të pritur ndeshjet. Nuk e fituam të drejtën e organizimit të Superkupës 2019 për faktin se kishim vetëm një projekt në letër. Stadiumi do të jetë shumë i bukur, një vepër e madhe për sportin shqiptar, më e rëndësishmja në Shqipëri, një pasuri e madhe për futbollin”.
Ndërkaq, për mediat ka folur edhe arkitekti Marco Casamonti: “Jemi të lumtur me ecurinë e punimeve, është një vepër e bukur. Do të jetë një kënaqësi për çdo tifoz të ndjekë ndeshjet në një stadium krejtësisht të mbuluar dhe me mundësinë për të qenë shumë pranë fushës. Do të jetë si një teatër”.
Në garën për vendim ku do të luhet Superkupa e Europës në vitin 2019 bënte pjesë edhe “Arena Kombëtare”, por UEFA ka zgjedhur klubin e Beshiktashit në Turqi “Vodafone Arena”.
Kështu fituesit e Ligës së Kampioneve dhe asaj të Europës në sezonin e ardhshëm do të udhëtojnë drejt Stambollit për të luajtur në një stadium të inauguruar në prill të 2016 dhe që ka kushtuar 100 milionë dollarë. (D.D/Shuplaka)
[ngg_images source=”galleries” container_ids=”2825″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post