Për drogën e kapur dje në Igumenicë është arrestua rnjë 57-vjeçar , Fatmir Lame. Fatmir Lame është babai i një prej personave të shpallur në kërkim. Sjellim në vëmendje që dje policia sekuestroi 57-kilogramë drogë në Igumenicë.
DETAJE:
Në vijim të operacionit antidrogë të zhvilluar dje nga Policia Kufitare, Policia e Sarandës dhe ajo e Igumenicës ku u kapën 67 kg drogë efektivët shqiptarë kanë identifikuar një tjetër autor dhe e kanë shpallur në kërkim, ndërsa kanë arrestuar babain e tij.
Në vijim të punës për dokumentimin e rastit, ku tre shtetas shqiptarë në tentativë për të trafikuar lëndë narkotike, në shtetin Grek, u arrestuan fal bashkëpunimit dhe punës së mirorganizuar prej dy Policive Kufitare të Sarandës dhe asaj të Igumenicës, hetimet janë thelluar më tej nga të dy policitë.
Si rezultat i punës hetimore, nga Specialistët e Seksionit për Narkotikët dhe Trafiqet në Komisariatin e Policisë Sarandë u bë e mundur identifikimi i një tjetër shtetasi të përfshirë në këtë trafik, në rolin e transportuesit, i cili është shpallur në kërkim nga Policia e Sarandës dhe konkretisht:
Shtetasi S.Lame, 30 vjeç, (i dënuar më parë për veprën penale të prodhim/shitjes së narkotikëve).
Gjatë kontrollit që Strukturat e Policisë kanë ushtruar në banesën e tij, në Sarandë, kanë gjetur dhe sekuestruar një sasi lënde narkotike Cannabis Sativa me peshë 1 kilogramë.
Specialistet për Hetimin e Narkotikeve kane arrestuar në flagrancë babain e shtetasit S.L., shtetasin Fatmir Lame, 57 vjeç, banues në Sarandë, i dyshuar si bashkëpunëtor në këtë ngjarje.
Policia ka sekuestruar në cilësinë e provës materiale sasinë e lëndës narkotike dhe mjetin tip ”Mercedes Benz” në pronësi të shtetasit S.L..
Po punohet intensivisht për kapjen dhe ndalimin e shtetasit të shpallur në kërkim.
Materialet procedurale iu referuan Prokurorisë së Rrethit Gjyqësor Sarandë për veprën penale “Prodhimi dhe shitja e narkotikëve e kryer në bashkëpunim”. (J.V/Shuplaka)
Discussion about this post