Aktori i njohur Colin Firth, ka marrë shtetësinë italiane.
Në maj u raportua se aktori kishte bërë një kërkesë zyrtare për shtetësinë italiane në përgjigje të votimit për t’u larguar nga Bashkimi Europian, ndërsa vitin e kaluar kundërshtimi i dukshëm i Firth ndaj rezultatit të referendumit u vërejt në një gazetë austriake.
Vetë ai e ka përshkruar Brexit si “një fatkeqësi me përmasa të papritura”. Ndërsa Agjenti i aktorit tha se vendimi për të aplikuar për një pasaportë të re në ambasadën italiane në Londër ishte një vendim familjar.
“Colin aplikoi për shtetësi të dyfishtë britanike dhe italiane në mënyrë që të ketë të njëjtat pasaporta si gruaja dhe fëmijët e tij”, tha agjenti.
Aktori shumë i famshëm, i cili fitoi një Oskar për filmin The King’s Speech, është i martuar me një qytetare nga vendi ynë dhe shpesh ka shprehur dashurinë e tij për tokën tonë”, tha ministria e brendshme e Italisë. (S.SH/Shuplaka)
Discussion about this post