Merr fund aventura greke për Besnik Hasin, shkarkohet nga Olimpiakos

Aventura e Besnik Hasit në krye të Olimpiakos, ka përfunduar ditën e sotme, pesë javë pas fillimit të kampionatit grek dhe pak më tepër se dy muaj nga nënshkrimi me këtë klub.
Deçizive ishte humbja në derbi, ndaj AEK, ku Olimpiakos humbi 3-2, në një ndeshje mjaft të tensionuar, ku skuadra e Hasit ishtë në avantazh të dy golave, por u përmbys në 30 minutat e fundit. 

Zgjedhja e Hasit në krye të Olimpiakos nuk u prit aspak mirë nga opinioni sportiv grek, për shkak të origjinës së tij, por pavarsisht kësaj Hasi ia doli të kualifikojë ekipin grek në fazën e grupeve të Champions League. 

Gjithsesi, tre ndeshje radhazi pa fitore në kampionat, e kanë bindur presidentin e Olimpiakos të shkarkojë teknikun gjakovar nga drejtimi i klubit.

(E.K/SHUPLAKA)