Nuk është për shkak të depresionit ashtu si u deklarua fillimisht. Bashkim Mekolli në deklarimin e tij në Polici ka thënë se bashkëshorten e ka vrarë për shkak se dyshonte se ajo e tradhëtonte. Po ashtu ai ka treguar se ata grindeshin vazhdimisht se dhe ai i kërkonte llogari vazhdimisht se ku shkonte.
‘’Nuk jam bërë pishman për atë që bëra. Ne grindeshim çdo ditë, dyshoja se ajo më tradhëtonte. I kërkoja gjithmonë llogari ku shkonte por ajo s’më përgjigjej siç duhet.
Isha xheloz dhe prandaj e vrava. U zgjova në mengjes dhe u zumë ajo s’më dëgjonte. Edhe me babain nuk flisja prej kohësh. Sherri me gruan nisi që ne darke dhe nuk durova dot mora çfarë gjeta para dhe e godita në kokë kur e pashë në oborr, kaq mbaj mend”, ka thënë Mekolli në Polici.
Kujtojmë se vrasja ndodhi në orët e para të mëngjesit të djeshëm, në oborrin e shtëpisë së çiftit Mekolli në një fshat të Pogradecit.
Babai i autorit të vrasjes tha dje se i biri i tij kishte shfaqur vazhdimisht shenja të depresionit, po siç duket vetë Bashkim Mekolli nuk e pranon këtë version.
(E.K/SHUPLAKA)
