Tentoi të trafikonte 5.5 kilogramë drogë, arrestohet islandezi në pikën kufitare të Hanit të Hotit

Në pikën kufitare të Hanit të Hotit është sekuestruar nga policia 5.5 kilogramë drogë dhe është arrestuar një person.

Ky arrestim erdhi pasi në makinën e  Armann Olafsson, shtetas islandez u gjet dhe u sekuestrua në cilësinë e provës materiale 5.5 kg lëndë narkotike e llojit Cannabis Sativa.

DETAJE:

Në vijim të punës për goditjen e trafikimit të lëndëve narkotike, nga shërbimet e Policisë Kufitare me datë 24.09.2017, u godit një tjetër rast i tentativës për trafikim të lëndëve narkotike ku u arrestua në flagrancë shtetasi: Armann Olafsson, 24 vjeç, banues në Islandë.

Arrestimi i shtetasit të lartëpermendur u bë pasi në Piken e Kalimit Kufitar Hani Hotit, në dalje të Republikës së Shqipërisë, gjatë kontrollit në mjetin e tij , me targë PX8838, u gjet dhe u sekuestrua në cilësinë e provës materiale 5.5 kg lëndë narkotike e llojit Cannabis Sativa. Materialet i kaluan Prokurorisë Për Krime të Rënda Tiranë për veprën penale “Trafikim i narkotikëve” mbetur në tentativë, parashikuar nga neni 283/a/22 i Kodit Penal. (J.V/Shuplaka)