Zëvendëskryeministri i Kosovës, Enver Hoxhaj ka reaguar ashpër ndaj bashkëpunimit së të ashtuquajturës zyrës për Kosovën në qeverinë e Serbisë me OJQ-në “Misioni Humanitar Rus”.
Ky bashkëpunim synon të ndihmojë serbët në Kosovë, por Hoxhaj nuk mendon kështu ai e ka konsideruar si një instrument që ka për qëllim të minojë investimin e perëndimit në Kosovë.
“asistenca humanitare” e Rusisë nuk është asgjë tjetër vecse një instrument për ta kthyer prapa investimin qëllim mirë të Perëndimit në stabilitetin e rajonit”, ka shkruar Hoxhaj.
Kjo organizate që prezantohet si humanitare, sipas këtij memorandumi, në të ardhmen do të ndihmojë serbët e Kosovës në fushat e arsimit, shëndetësisë dhe asistencës sociale.
Por, ky mision, i veshur si humanitar, mund të përdoret edhe për qëllime të tjera, pasi financohet direkt nga fondet e Moskës zyrtare.
(B.H/Shuplaka)
