Regjisori Altin Basha ka folur për herë të parë në lidhje me të gjitha dritëhijet që kanë shoqëruar marrëdhëniet brenda ‘’Portokallisë”. Ende pa nisur mirë sezoni disa aktorë janë larguar dhe të tjerë pritet të largohen, ndërsa Basha ka konfirmuar se Florian Binaj dhe Gaz Paja do të vijojnë të jenë pjesë e trupës.
Në mënyrë të tërhortë Basha i ka dhënë përgjigje dhe akuzave të Julian Dedës se ai është përgjigegjës për largimet e aktorëve. Regjisori shprehet se kanë qenë të ndryshme arsyet e ikjes së aktorëve.
“Portokallia mund t’ia dali dhe pa mua dhe pa këdo që është aty.Sigurisht që këto lloj akuzash nuk janë të reja për mua. Nuk i jam përgjigjur sepse nuk mund t’i përgjigjem çdo njeriu që jeton me kokën mbrapa, që jeton në kohën kur ishte i suksesshëm. Këtyre njerëzve unë u kam hapur dyert, u kam ndërtuar karrierën.
Në katërmbëdhjetë vjet, nuk mund të shpresoj që ata aktorë që hynë në fillim, të jenë të njëjtët edhe sot. Këta individë nuk janë larguar të gjithë për të njëjtën arsye. Dikush ka dashur të ndjekë karrierën jashtë shtetit, dikush ka dashur të studiojë. Sigurisht disa janë larguar për punë disipline.
Përpjekja për t’ia vënë fajin gjithë historisë së largimeve emrit tim është një problem personal, gati-gati patologjik. Është një fiksim që unë natyrisht do ta toleroj sepse nuk merrem me individë që lehin rrugëve apo portaleve”, u shpreh Basha.
Discussion about this post