Të gjithë e kujtojnë emrin e Adnan Januzajt kur ai u shndërrua ndër emrat më të lakuar ndër shqiptarët në një kohë kur De Biazi po bënte përpjekje për ta afruar në ekipin kombëtar.
Mirëpo Januzaj zgjodhi t’u thoshte jo si Shqipërisë ashtu edhe Kosovës. Madje babai i tij pati thënë që ta linin të qetë djalin e tij. Në atë kohë Januzaj shihej si një talent i ri që do të shkëlqente në të ardhmen, por parashikimet për të në fakt ishin të ekzagjëruara pasi karriera e tij nuk shkoj ashtu siç pritej.
Januzaj tani aktivizohet në Spanjë tek Real Sociedad. Edhe pse në ekipin e Belgjikës ai nuk ka gjetur pothuajse fare hapësira Adnan nuk ka ndryshuar mendim për sa i përket refuzimit të Shqipërisë dhe Kosovës.
Në një intervistë të dhënë për “DailyMail”, ai ka thënë se Belgjika është vendi i tij pasi aty ishte lindur dhe rritur.
“Unë jam lindur në Belgjikë, jam rritur aty. Prandaj zgjodha Belgjikën. Është vendi im. Viti i parë ishte shumë i mirë, më pas u bë e vështirë”, u shpreh ish-futbollisti i Mançester Junajtidit.
Për Januzajn ish-trajneri i kombëtares De Biazi ishte shprehur: Më lehtë takoj Papën se Januzajn. (B.H/Shuplaka)
Discussion about this post