Kryetari i Bashkisë së Tiranës Erion Veliaj nuk ka kursyer një përgjigje diplomatike edhe ditën e sotme. I ftuar paraditen e sotme në “Vila24” është pyetur nga studentët e ekselencës në lidhje me ndonjë bashkëpunim të mundshëm me opozitën.
Te kjo pyetje theksi u vu te Lëvizja Socialiste për Integrim, dhe kryebashkiaku ka deklaruar se është i gatshëm ta bëjë këtë nëse do të jetë për të mirën e qytetit.
“Unë për të mirën e qytetit i kam shtrirë dorën kujtdo. Interesi i qytetit është shumë më i madh se ndonjë bashkëpunim politik. Bashkëpunimin me LSI-në, apo PD e shoh shumë të mundshme, kur shoh që interesi i parë është qyteti,” tha Veliaj.
Ndaj Veliajt ditën e fundit nuk kanë munguar as akzuat e shumta në lidhje me 153 familje që po ngelen në qiell të hapur pasi po iu shemben banesat.
Theksojmë që nga ana e opozitës, kryesisht nga PD ka pasur reagime të shumta pasi janë kundra këtij projekti. Deri më tani bashkia nuk ka ende një plan konkret sesi ku do të akomodohen këta banorë në banesat e reja. (J.V/Shuplaka)
Discussion about this post