David Qosja, autori i vrasjes se efektivit të FNSH-së së Shkodrës, Ardian Kodra, sipas tri ekspertëve psikiatër, ka pasur probleme mendore, çrregullime psikike.
Në këtë përfundim kanë arritur ekspertët psikiatër, por megjithatë, kjo nuk e përjashton nga përgjegjesia për vrasjen e kryer.
Gjatë seancës në gjyq ka pasur debate mes avokates mbrojtëse të Qoses dhe mjekut që lexoi përfundimin.
Më herët ai e ka pranuar në gjyq se ka qëlluar në drejtim të policisë, por më parë tha ai e kishin qëlluar të tjerë nga mali në drejtim të shtëpisë së tij.
Qose ka deklaruar në gjyq se nuk kishte qëllim të vriste policin, “doja që efektivët të mos hynin në banesë. Qëllova sepse në banesën time u gjuajt në fillim nga banesa e fqinjit nga mali”.
Mbi të rëndojnë tre akuza, “vrasja e policit”, “vrasje e policit në tentativë “dhe “armëmbajtje pa leje”.
Avokatët e Qoses thonë se ngjarja mund të konsiderohet si ‘vrasje nga pakujdesia’.
(E.K/SHUPLAKA)
Discussion about this post