Gjermania ka kthyer në Shqipëri dhe në Kosovë rreth 150 azilkërkues. Mediat gjermane shkruajnë se azilkërkuesit janë kthyer në një avion të përbashkët që është nisur sot në orët e mesditës nga Aeroporti i Dyseldorfit.
106 prej tyre janë shtetas të Shqipërisë dhe 44 të tjerët janë të Kosovës, të gjithë me status të refuzuar (me përgjigje negative) të azilit.
Siç ka bërë me dije edhe një zëdhënës i Policisë Fedreale të Gjermanisë, avioni fillimisht do të ndalet në aeroportin e Tiranës dhe pastaj do të niset drejt atij të Prishtinës. (D.D/Shuplaka)
