Një shofer ka vdekur në vend pasi u qellua me dhjetë plumba nga policia. Ngjarja ka ndodhur në autostradën e Bristol në Britani, ku siç shihet edhe nga fotot, një makinë është qëlluar me plumb në të gjitha anët.
Sipas asaj që shkruan Daily Mail një nga dëshmitarët në vendngjarje ka raportuar se drejtuesi i mjetit identiteti i të cilit nuk bëhet i ditur u qëllua nga policia dhe më pas u nxor zvarrë nga makina.
Ai tha: “Policia ishte përpara meje. Ata e rrethuan [makinën]. Ata gjuajtën ndoshta pesë, gjashtë ose dhjetë herë. Pastaj ata tërhoqën një njeri nga makina”.
Një fotografi ajrore tregon makinën me vrima plumbash dhe xhamat e copëtuar të shtrirë në asfalt. Një pistoletë mund të shihet në kabinën e automjetit.
Nuk dihet nëse i përket shoferit apo policisë.
Autoritetet ndërkaq e kanë konfirmuar ngjarjen e rëndë, duke shtuar vetëm se nuk bëhej fjalë për ndonjë aksion anti-terroristë.
Fotot e makinës së personit të vdekur tregojnë se ajo është e mbushur me vrima të plumbave
(B.H/Shuplaka)
[ngg_images source=”galleries” container_ids=”2856″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post