Kreu i Grupit Parlamentar të LSI-së Petrit Vasili ka reaguar në lidhje me mosdhënien e sinjalit nga TVSH për mediat private. Vasili ka theksuar se me këtë veprim po shkohet drejt asfiksimit të medias, jemi kthyer si në ’97-ën.
‘Po kriminalizohet liria e fjales në parlament. Kryetari i kuvendit ktheu obskurantizmin në parlament. Ruçi drejton për të kënaqur Ramën dhe jo standartet e kuvendit. Drejtimi i kuvendit thjesht regres provincial. Tani erdhi koha e një media të vetme. Thjesht jemi kthyer ne situatën e vitit ’97. Po shkohet drejt asfiksimit të medias. Mbyllja e mundësisë së parlamentit është fundi i fjalës së lirë në vend. Gjithë opinioni publik duhet të mbajë një qëndrim të ri me këtë vendim si asnjëherë më parë. Deputetët nuk kanë ku të komunikokjmë me publikun.”, u shpreh Vasili.
Sjellim në vëmendje që TVSH ka vendosur që të lërë pa sinjal televizionet informative. Kjo për shkak se televizioni i vetëm që ka të drejtën e transmetimit nga Kuvendi është TVSH.
Opozita kërkon ndërprerjen e seancës parlamentare. Këtë e ka ngritur si shqetësim në seancë edhe deputeti i PD e njëherazi kryetari i grupit parlamentar, Edmond Spaho, i cili kërkoi madje edhe ndërprerjen e seancës. “Media është prezente nuk ndërpritet seanca”, iu përgjigj kreu i Kuvendit Gramoz Ruçi. (J.V/Shuplaka)
