Enea Jorgji dhe Ermal Barushi janë dy gjyqtarët shqiptarë të përzgjedhur nga UEFA për të vendosur drejtësi në eliminatoret e Kampionatit Europian të 19-vjeçarëve. Dyshja që disponon stemën e FIFA-s do të jetë e pranishme në sfidat e grupit të dytë ku bëjnë pjesë Polonia, që është dhe vendi organizator, Gjermania, Bjellorusia dhe Irlanda e Veriut.
Ky grup konsiderohet një nga më të vështirët e këtij kampionatit. Enea Jorgji që e mbylli me polemika edicionin e kaluar, do të gjykojë dy sfida të grupit dhe në njërën prej tyre do të jetë gjyqtar i katërt, ndërkohë që Ermal Barushi do të jetë asistent i parë në të 3 sfidat.
Vetëm e para e grupit kalon në elite round ku do të synohet më pas kualifikimi për në Europianin e 2018 të kësaj grupmoshe që do të zhvillohet në Finlandë, shkruan Panorama Sport.
Kujtojmë që Enea Jorgji ka qenë ndër gjyqtarët më të kontestuar në përfundim të kampionatit sezonin e kaluar pas ndeshjes së Skënderbeut me Kukësin.
Sulmuesi Hamdi salihu i cili aktivizohej me Skënderbeun mi grisi kartonin para syve Jorgjit pasi ky i fundit e nxori me të kuq nga loja. (B.H/Shuplaka)
Discussion about this post