Thaçi takoi dhe ish zv. Presidentin Joe Biden në SHBA: Ishte zëri ynë në ditët më të vështira, i tillë do mbetet gjithmonë

Presidenti i Kosovës Hashim Thaçi gjatë vizitës së tij në SHBA, ka takuar edhe ish- zv. Presidentin Joe Biden.

Këtë e ka bërë vetë të ditur Thaçi në rrjetet sociale ku ka shkruar se Biden ishte zëri i Kosovësë në ditët më të vështira madje i tillë do të mbetet përgjithmonë.

“Gjatë qëndrimit në SHBA, pata kënaqësinë ta takoj mikun tim dhe të Kosovës, ish zv. Presidentin Joe Biden.

Në ditët tona më të vështira, Biden ishte zëri ynë. I tillë do të mbetet përgjithmonë.

Përjetësisht do t’i jemi mirënjohës zotit Biden dhe familjes së tij, me të cilën Kosova ka lidhje të veçantë, ashtu siç është e veçantë dhe e përjetshme miqësia e jonë me SHBA-në”, shkruan Thaçi. (B.H/Shuplaka)