Duke marrë shkas nga ngjarjet e fundit kriminale që kanë tronditur vendin, ish-ministri i brendshëm Dritan Demiraj kërkon që nga ana e politikës dhe autoriteteve të nisë sa më shpejt një reagim.
“Ndjehem shume i shqetesuar me ngjarjet e fundit kriminale, te cilat jane shenje e trimerimit te krimit perballe nje shteti te topitur nga flirtimi i segmenteve te agjencive te zbatimit te ligjit me grupet kriminale.
Duhet sa me shpejte nje reagim i vendosur sa nuk eshte vone,” shkruan Demiraj.
Kujtojmë se mëngjesin e sotëm në Vlorë, një automjet tip Benz u godit nga breshëri plumbash duke lënë të plagosur dy personat që ndodheshin ën të, si edhe një djalë 8-vjeçar i cili ndodhej jashtë.
Ndërkohë mbrëmjen e sotme, një tjetër plagosje me armë zjarri ndodhi pikërisht në të njëjtin qytet. Demiraj shkruan se këto janë shenjë e “trimërimit të krimit”. (D.D/Shuplaka)
Discussion about this post