Deri më tani ende nuk ka asnjë të arrestuar për atentatit që u bë dje në Vlorë dhe mbetën të plagosur dy persona. Brenda orës autorët dogjën makinën duke e bërë në këtë mënyrë edhe më të vështirë gjetjen e gjurmëve të tyre.
‘’Shuplaka” mëson se deri më tani në Policinë e Vlorës janë 10 pesona të shoqëruar si dëshmitarë okular ndërsa kamerat e sigurisë të disa bizneseve në zonë kanë filmuar atentatin dhe mjetin e përdorur nga dy autorët e dyshuar që janë larguar me shpejtësi.
Mësohet se për të mbajtur nën kontroll grupet kriminale në Vlorë dhe përplasjen mes fisit Llanaj e Xhaferri është urdhëruar nga drejtuesit e policisë së shtetit zbarfikimi i forcave RENEA dhe Forcave të Ndërhyrjes së Shpejtë.
Kujtojmë se atentati i djeshëm lidhet me një seri vrasjesh të tjera që kanë ndodhur në qytetin bregdetar duke filluar nga viti 2011, te masakra e Çoles apo vrasja e drejtorit te OSHEE-së në Vlorë dhe pronarit të një televizioni privat lokal.
(E.K/SHUPLAKA)
Discussion about this post