Shtetit Islamik ISIS thotë se vrasësi, Stephen Paddock, i cili vrau mbi 50 vetë dhe plagosi disa qindra në Las Vegas e ka kryer këtë akt në emër të shtetit islamik, duke thënë se sulmuesi ishte konvertuar në islam disa muaj më parë, raporton Reuters duke cituar faqen e internetit të grupit terrorist.
Megjithëse sipas FBI-së nuk bëhet fjalë për ndonjë sulm terrorist, mediat e huaja shkruajnë se ISIS ka marrë përgjegjësinë e sulmit.
Por nuk ka asnjë provë që gjurmët e sulmit të çojnë tek shtetit islamik. Dy zyrtarë të lartë amerikanë të paidentifikuar i kanë thënë Reuters se asnjë provë nuk sugjeron një lidhje midis vrasësit dhe ndonjë grupi ndërkombëtar militant.
Ndërkohë sipas raportimeve të fundit numri i të vdekurve ka shkuar në 58 persona, ndërsa numri i të plagosurve shkon në 500. (B.H/Shuplaka)
Discussion about this post