Pak ditë më parë u komentua gjatë rrahja e dy deputetëve kosovarë ‘’live” në studion televizive gjatë një debate. Milaim Zeka qe dhe i dëmtuari nga ky incident, ndërsa mësohet se Frashër Krasniqi ka qenë ‘’profesionist” në grushtim.
Kjo pasi disa vite më parë ai është stërvitur me dy klube të boksit në Kosovë: me klubin e Prishtinës dhe atë të Gollakut.
Madje për trajner, deputeti i Parlamentit të Kosovës ka pasur Besim Brahimin, i cili është trajner i kampiones Evropiane për vitin e kaluar në kategorinëe të rinjve, Donjeta Sadikut.
Në rrethin e profesionistëve gjuajtja e Krasniqit quhet ‘’kroshe”. Bashkëshortja e Milaimit u shpreh dy ditë më parë mjaft e tronditur nga incidenti, ndërsa skenën e kishte parë edhe vajza e saj në banesë.
‘’Unë kisha mysafirë në shtëpi, kishte ardhur nipi i Milaimit së bashku me familjen e tij. Tha ku është daja, i thashë unë është në emision po mund që ta shohim ‘’live”. Nëse merret gjithë video dhe shihet Milaimi thotë që unë kam ardhur që të debatojë.
Isha në këmbë para ekranit, kur ishin duke u rrok mes vetes, vajza ime u tmerru. Reagimi i parë ishte ‘’babi, babi, babi’. Pastaj tha që nuk u rra babi im, po Milaim Zeka. Unë vij nga Shqipëria dhe tashë sa mirë që në Kosovë gjërat zgjidhen më butë”, shprehet ndër të tjera bashkëshortja e Milaim Zekës.
Po ashtu më tej ajo tregon se ”ja ha kryt” sa herë që ai përdor fjalë të pahijshme, edhe pse e pranon se Milaimi përdot herë pas here një fjalor joetik.
(E.K/SHUPLAKA)
Discussion about this post