Dhunoi vëllain në sy të fëmijëve, arrestohet 35-vjeçari në Lushnje

Një tjetër rast i dhunës në familje është shënuar në qytetin e Lushnjes. Një 35-vjeçar ka ushtruar dhunë fizike dhe psikologjike në drejtim të vëllait të tij, ndërsa në banesë kanë qenë të pranishëm edhe fëmijët e mitur.

Policia e ka arrestuar 35-vjeçarin ndërsa mbi të rëndon akuza e dhunës në familje. 

DETAJET:

Specialistët për Hetimin e Krimeve në Komisariatin e Policisë Lushnje, arrestuan në flagrancë shtetasin: -Saimir V., 35 vjeç, banues në fshatin Krutje, Lushnje. Arrestimi i këtij shtetasi u bë pasi në banesë ka ushtruar dhunë fizike dhe psikologjike ndaj vëllait të tij shtetasit E.V, 30 vjeç, në prezencë të fëmijëve të mitur. Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje” parashikuar nga Neni 130/a/4 i Kodit Penal.

(E.K/SHUPLAKA)