Si rrufe është përhapur lajmi i vizitës së kryeministrit Edi Rama në Amerikë, edhe pse zyrtarisht nuk është bërë publike arsyeja. Dje ai mungoi në mbledhjen mes ministrave, kreut të kuvendit dhe Taulant Ballës në Kryesi.
Po çfarë e shtyu Ramën t’i drejtohet Amerikës, pak ditë pasi qëndroi për një kohë të gjatë atje në kuadër të Assamblesë së NATO-s?
Burime të sigurta nga stafi pranë tij e konfirmojnë këtë lajm për ‘’Syri.net”, por sipas tyre kjo vizitë ka të bëjë me një vdekje në rrethin e të njohurve të tij, përtej oqeanit. Arthur Finkelstein, edhe pse ka vdekur që në Gusht nuk kuptohet pse duhet që ceremonia të zhvillohej disa muaj më pas. Dhe pyetja tjetër shtrohet pse Rama nuk ka postuar deri më tani ndonjë foto nga ceremonia.
Burime të tjera thonë, se “vdekja” është një alibi pas dekonspirimit të kësaj vizite të fshehtë 24 orëshe në SHBA.
Ato e lidhin udhëtimin me deklaratat e fundit të ambasadorit Lu dhe ultimatumin që i kanë dhënë SHBA-të, për të goditur simbiozën e krimit të organizuar, me zyrtarë të lartë në qeverinë e tij.
Mësohet se Rama ka shkuar në SHBA për të takuar mikun e tij Xhorxh Soros dhe për ti kërkuar ndihmë.
Të njëjtat burime konfirmojnë se e gjitha kjo bëhet, për të shpëtuar kokën e tij, pasi dy ministra aktual të kabinetit që drejton tashmë, “e kanë prerë biletën” e largimit.
Na mbetet të presim dhe të shohim në orët në vijim, sesi do të rrjedhin ngjarjet.
(E.K/SHUPLAKA)
Discussion about this post