Orjola Pampuri, deputetja e zgjedhur me votat e PD-së, e dyta në listën e Tiranës ka reaguar në lidhje me lajmin se ajo do të jetë pjesë e Grupit Parlamentar të PR-së.
Në një sqarim ajo shprehet se kjo ka qenë një taktikë e përdorur në të gjitha legjislaturat për të mbështetur aleatët e PD-së.
Pampuri shprehet më tej se lajm në vendin tonë duhet të jetë varfëria, droga, bandat, krimi e papunësia e jo lëvizje të tilla.
“Qytetarë të nderuar, tashmë prej tre legjislaturash një grup me deputetë të PD, kanë qenë pjesë e një grupi parlamentar të PR, kjo për të mbështetur aleatin tonë të PD-së, vetëm kaq.
Këtë e dinë shumë mirë gazetarë , analistë, media, portale dhe patjetër qe deputetë të PD të cilët prej vitesh kanë qenë në grupin e PR. Kështu që lajm sot është varfëria, droga, bandat, krimi e papunësia e jo të tilla gjëra. Unë jam pjesë e PD e do të jem pa kompromis, ngahera pjese e saj”, shprehet Pampuri.
(E.K/SHUPLAKA)
Discussion about this post