Masakra më e fundit në Las Vegas me 58 të vrarë dhe dhjetra të tjerë të plagosur ka qenë një nga më të rëndat e kryera nga një person i vetëm në historinë e SHBA-së.
Kjo ngjarje ka rihapur edhe njëherë në SHBA debatin për armët. Edhe pse vetë presidenti Donald Trump e ka shmangur këtë diskutim.
Ai ka qenë i pranishëm në Las Vegas për të ngushëlluar të mbijetuarit e masakrës më vdekjeprurëse në historinë moderne të Shteteve të Bashkuara.
Trump dhe zonja e parë Melania janë takuar me disa prej të mbijetuarve të ngjarjes dhe me skuadrat e emergjencave në qendrën e traumave të Las Vegasit.
“Nuk do të flasim sot për këtë”, i ka thënë ai një gazetari në Qendrën Mjekësore Universitare në South Nevada. “Nuk do të flasim”, ka theksuar presidenti.
(E.K/SHUPLAKA)
