Bashkë me vëllain bënë për spital 40-vjeçarin, arrestohet 35-vjeçari në Korçë

Në prangat e policisë së Korçës ka rënë një 35-vjeçar pasi ishte i shpallur në kërkim  për veprën penale : “Plagosja e rëndë me dashje, kryer në bashkëpunim”. Taulant Hysaj ishte shpallur në kërkim pasi kishte goditur me mjete të forta shtetasin K.H, 40 vjeç. 

DETAJE:

Specialistët e Seksionit për Krimet e rënda kundër personit, në bashkëpunim me shërbimet e Komisariatit të Policisë Maliq, bënë kapjen dhe ndalimin e shtetasit të shpallur në kërkim : Taulant Hysaj, 35 vjeç, banues në fshatin Zëmblak.

Gjykata e Apelit Korçë, me vendim nr 431 datë 08.11.2016, ka lënë në fuqi vendimin e Gjykatës së Rrethit Gjyqësor Korçë e cila ka caktuar për këtë shtetas masën e sigurisë “Arrest në burg”, për veprën penale : “Plagosja e rëndë me dashje, kryer në bashkëpunim” parashikuar nga neni 88/2 i Kodit Penal.

Ndalimi i këtij shtetasi lidhet me një ngjarje të ndodhur më datë 26.08.2016, në fshatin Zëmblak-Maliq, ku shtetasi i mësipërm në bashkëpunim me vëllain e tij, pas një konflikti  për motive të dobëta, kanë goditur me sende të forta shtetasin K.H, 40 vjeç.  (J.V/Shuplaka)