Tetori quhet ndryshe dhe muaji i ndërgjegjësimit për kancerin e gjirit, e në kuadër të tij ftohen të gjitha gratë dhe vajzat të jenë më të kujdesshme ndaj kontrolleve. Me këtë nismë është sensibilizuar dhe ish-kryeministri Sali Berisha.
Në dalje të Kuvendit ai është parë teksa në xhaketën e tij kishte të vendosur fjongon rozë që është edhe simboli i këtij muaji.
Si një mjek në profesion, ‘’doktori” ka qenë ndër të parët në rradhët e deputetëve që ka dhënë këtë mesazh human.
Berisha foli në lidhje me situatën në vend, ku tha se Elbasani nuk është i vetmi qytet që ka probleme me krimin, pasi në Shkodër biznesmenët po largohen nga qyteti prej shantazheve të kriminelëve.
“Mediat të fokusohen te lufta kundër krimit. Në këtë kontekst dua të them se ajo që shpërthue në Elbasan dy herë në mos tre herë, më aggressive është në Shkodër, ku po ikin biznesmenë, që po i dorëzojnë bizneset krimit.
Vlorën e patë vetë në çfarë katandisje është. Deklarata ime është kjo që Shqipëria ka në krye meduzën e krimit që është Edi Rama dhe ç’do deklaratë nuk e ndihmon luftën kundër krimit. Për mua kryekumbari i Shqipërisë është Edi Rama.
I kemi kërkuar që të mos vendos Bushin dhe e vendosi, vendosi Roshin, është ai që rri ditë e natë me Don Lalën, në Shkodër ato vota që merr i merr përmes bandave, është Edi Rama familjarë të të cilit, i vëllai Olsi, ka kaluar disa herë kufirin me makinën e famshme të drogës, nëse flasim për krimin dhe nuk flasim për Ramën atëherë po e mbrojmë Edi Ramën”, u shpreh Berisha në dalje të Kuvendit.
(E.K/SHUPLAKA)
