Fat vjehrrash, e ëma e të fejuarit të Floriana Garos super e njohur. ZBULOHET lidhja

Prej disa kohësh Floriana Garo është shpërngulur pranë të fejuarit të saj në Zvicër, për të nisur një jetë të re larg ekranit.

Po për të fejuarin Enis Daci përveç disa fotove që ka postuar vetë Floriana dhe informacionit që prej vitesh ushtron në Zvicër profesionin e avokatit nuk është se dimë shumë.

Në një hulumtim të vogël del se e ëma e tij është një personazh jo pak i njohur, pasi prej muajsh tashmë ka marrë drejtimin e Aleancës Kuqezi, pas dorëheqjes së Kreshnik Spahiut.

Në faqen e saj Aleancës Kuqezi thuhet që Lumturia është nënë e dy djemve, një avokati, 32 vjeç në Gjenevë dhe një studenti 21 vjeç në Universitetin e Gjenevës. Djemtë janë nga martesa të ndryshme, ndërsa nuk dihet nëse ajo është e vendosur me kohë të plotë pranë fëmijëve të saj në Zvicër.

Nuk është hera e parë që Floriana ka një vjehrrë mjaft të njohur, pasi edhe më parë e ëma e ish-partnerit të saj Tedi Ngjela ka qenë mjaft e njohur. Shefikati është një zonjë sipërmarrëse, ku ndër të tjera kishte marrë edhe titullin ‘’gruaja e vitit”.

Mesa duket fati i Florianës paska qenë se përveçse vetë një moderatore e njohur, të ketë rreth vetes dhe familjarë në detyra të rëndësishme.

(E.K/SHUPLAKA)