Kryeministri i Hungarisë, Viktor Orban, ka thënë se Bashkimi Evropian në çështjen e refugjatëve po zbaton planin e përgatitur nga biznesmeni hebre me origjinë hungareze George Soros, shkruan Anadolu Agency.
Viktor Orban këto deklarata i ka bërë ë radion shtetërore Kossuth Radio të Hungarisë ku ka folur për çështjen e refugjatëve.
Orban tha gjithashtu se hungarezët mund ta kundërshtojnë këtë duke marrë pjesë në fushatën e solidarizimit kombëtarë të nisur nga qeveria pak kohë më parë.
Ai ka thënë se BE është nën ndikimin e Sorosit.
“Geroge Soros ka blerë njerëzit dhe organizatat. Edhe Bruksel ndodhet nën ndikimin e tij. Dëshirojnë që të fusin miliona refugjatë në Evropë duke shembur gardhet e telave dhe këto refugjatë ti shpërndajnë në mënyrë të detyruar. Dhe ata që nuk e pranojnë këtë dëshirojnë t’i ndëshkojnë.”
Qeveria hungareze akuzon Sorosin se nëpërmjet financimit të organizatave të shoqërisë civile ka transferuar në Evropë afërsisht 1 milionë refugjatë në vit.
Gjithashtu kryeministri i Hungarisë edhe në një deklaratë të bërë më parë ishte shprehur: “Soros në një mënyrë të fshehtë nëpërmjet institucioneve të tij ofron mbështetje financiare për migrimin ilegal. Sipas politikës së Soros-it për migrimin çdo vit në BE duhet të transferohen 1 milion refugjatë. Komisioni i BE-së, George Soros dhe institucionet civile sulmojnë Hungarinë për rregulloren e saj për emigrantët, për heqjen e gardhit me tela në kufijtë e Hungarisë dhe dëshirojnë lejimin e hyrjes në vend të emigrantëve të paligjshëm.”
Kujtojmë që Hungaria ishte ndër të parat vende që kundërshtoi politikën e BE-së për refugjatët duke thënë se nuk do bëhej pjesë e këtij projekti për shpërndarjen e emigrantëve sipas kuotave. (B.H/Shuplaka)
Discussion about this post