Dy nga moderatoret më të njohura të radios Elona Duro dhe Jonida Alicckolli janë në pritje të ëmbël, dhe të dyja ato kanë dhënë një intervistë në mjediset e ‘’liqenit artificial”.
Elona e ka shtatzëninë e saj të parë, dhe pret djalë, ndërsa Jonida pas vajzës Mia është në pritje të fëmijës së saj të dytë. Po ashtu vajzat kanë treguar edhe momentet e para se kujt i dhanë lajmin, ndërsa Elona ka qenë më e rezervuar, pasi beson edhe te gojëdhënat se duhet të ruash “sekretin”.
Ato kanë folur në lidhje me të bukurat dhe sfidat e të qenit shtatzënë, po edhe merakun e shtimit në peshë, si çdo vajzë që është në pritjen e ëmbël.
Po Jonida dhe Elona nuk janë të vetmet ‘’VIP” që janë në pritje të ëmbël. Edhe Zajmina këngëtarja e njohur në privatësi të plotë, po i kalon këto muaj. Ndërsa moderatoret kanë zbuluar pa dashje se Zaimina është në muajin e gjashtë të shtatzënisë.
Elona Duro, gjatë rrëfimit për shtatzëninë e saj, për një moment zbuloi: “’Edhe Zaimina është në muajin e 6-të apo jo?” – pyeti ajo si me dyshim, por u kuptua. Edhe pak muaj dhe Zaimina do të gëzojë statusin e nënës për herë të parë, ashtu si edhe moderatorja Duro.
Na mbetet t’iu urojmë vajzave muaj sa më të lehtë. (E.K/SHUPLAKA)
Discussion about this post