Vasili: Shqipëria po përjeton mesjetën më të zezë me qeverisjen e Ramës

Për ndërtimet e paligjshme në Butrint brenda ambjenteve të parkut ka reaguar dhe kryetari i Grupit Parlamentar të LSI-së, Petrit Vasili. 

Ai thotë se është banditizmi korruptiv qeveritar që dhunon Butrintin. Nëse Europa periudhën më të errët ka pasur Mesjetën, sipas Vasilit, Shqipëria po përjeton tani mesjetën më të zezë me këtë qeverisje, sepse ka shkollëpakun në krye të qeverisë.

“Banditizmi korruptiv qeveritar dhunon Butrintin. Europa ka parë ditët e saj më të errëta në Mesjetë. Shqipëria po përjeton tani mesjetën më të zezë me këtë qeverisje, sepse ka shkollëpakun në krye të qeverisë.
Banditizmi korruptiv që sundon në qeverisje nuk po kursen as Butrintin, këtë monument madhështor të arkeologjisë.
Për shkollëpakun në krye të qeverisë, që po betonon pa mëshirë Butrintin, qoftet dhe sufllaqet e kioskave janë më me vlerë se vlerat madhështore të Butrintit mijëravjeçar”, shkruan Vasili.

(E.K/SHUPLAKA)