Nga Vlora kryeministri Edi Rama prezantoi projektin për rikonstruktimin e Qendrës Historike në këtë qytet.
“Vlorës i rikthehet zona historike. Do bëjmë një investim prej 4 milion euro. Do bëjmë një Rilindje të kësaj qëndre historike e cila është lënë në harresë. Do t’i krijojmë komunitetit të Vlorës një burim ekonomik Përfshin restaurimin e thellë të shtëpisë së Marigosë, xhamisë së tabakëve, sheshit të sahatit, përpara bashkisë do jetë një shesh që do i japë edhe rëndësinë e duhur godinës por edhe një frymëmarrje të re kësaj pjese të kësaj zone që është bashkia, shtëpia e qeverisë e cila ka mbetur vetëm skelet muresh të jashtme do ringrihet duke ruajtur arkitekturën ekzistuese, të gjitha do preken, klubi Labëria se pa të s’kemi ku shkojmë, që në fund të jemi të gatshëm të themi se ia rikthyem Vlorës atë që është zemra e këtij qytetit të transformuar ndër vite pa kriter e pa karar.
Pa shkaktuar më shumë xhelozi se nga sa janë munduar të shkaktojnë, ky projekt do të jetë më i bukuri për shkak të kompleksitetit të vet, se ka shumë detaje historike brenda vetes por edhe se ndërhyrjet e reja që do bëhen janë të një cilësie shumë të lartë dhe do jenë godina pioniere të një zhvillimi ndryshe për Vlorën që duam”, u shpreh Rama. (J.V/Shuplaka)
Discussion about this post