Kryeministri , Edi Rama ka kritikuar Bashkimin Evropian për kushtëzimin e liberalizimit të vizave për Kosovën me ratifikimin e demarkacionit me Malin e Zi.
Në një intervistë për gazetën ‘Standard’ të Vjenës, Rama është shprehur se nuk është e drejtë nga BE-ja e cila është duke negociuar për pranimin e anëtarësimit të Malit të Zi dhe të Serbisë në BE, por jo me Shqipërinë, transmeton Telegrafi.
“Kosovarët dikur kanë jetuar në një shtet në të cilin përkatësia e tyre nacionale dhe statusi i Repubilkës nuk u janë njohur. Kosovarët tani ata kanë shtetin e tyre, por nuk janë në gjendje të lëvizin lirshëm. Ata janë të vetmit njerëz në të gjithë Evropën që nuk mund të dalin nga vendi i tyre dhe krejt kjo për shkak të disa kritereve të pakuptimta Atyre u janë vënë kushte për të fituar regjimin pa viza. BE-ja thotë: së pari duhet të ketë një marrëveshje për demarkacionin me Malin e Zi, ndërkohë që negocion me Serbinë, një vend që madje nuk e ka njohur Kosovën, e lëre më kufijtë e Kosovës”, ka thënë Rama.
(S.SH/Shuplaka)
