Nuk kanë kaluar as dy javë nga lindja e dytë e moderatores Ilva Tare, ndërsa ajo duket se nuk është shkëputur për asnjë çast nga prania e saj në televizion.
Mbrëmë ajo u shfaq në ekran në orarin e zakonshëm që mbante emisioni i saj, edhe pse duhet thënë se intervista bërë me një gazetar norvegjez ishte regjistruar kohë më parë kur ajo ishte ende në pritje të ëmbël.
‘’Shuplaka” mëson se Tare nuk do të qëndrojë asnjë ditë pushim, të paktën do e shohim në ekran, dhe pas dy emisioneve të regjistruara ajo do t’i rikthehet rutinës së zakonshme të emisioneve.
Moderatorja ka zgjedhur që dy javë në të cilat ka nevojë fizike për të qëndruar dhe për të rikuperuar forcat, t’i mbushë me emisione të xhiruar më parë, duke mos lënë aspak boshllëqe te audienca.
Mjaft e detajuar ka qenë dhe në përcaktimin e operacionit të lindjes, ku kujtojmë se e la pak orë pas festës së 10-vjetorit të ‘’Ora News”, festë në të cilën vetë ajo nuk mungoi me lidhjet ‘’live” nga studio.
Nuk ka qenë aspak rastësi lindja në atë natë, pasi mesa duket Ilva nuk donte ta humbiste këtë përvjetor special me mbi 1000 të ftuar, ku nuk mungonin as krerët më të lartë të shtetit. Madje kryeministri Rama gjatë festës është parë duke i puthur dorën asaj.
Perfekte deri në detaje moderatorja për të qenë në këtë mënyrë në krye të detyrës dhe për të mos hequr dorë për asnjë çast nga televizioni. Sigurisht që do të ketë menduar edhe për djalin e saj Thomas, ndoshta një person që do të kujdeset për të është i domosdoshëm në kohën që mami ambicioze nuk do të jetë në shtëpi.
Në ekranin e ”Ora News” së fundi është rikthyer edhe Artur Zheji dhe disa figura të tjera të ekranit.
Mbase kjo periudhë e shkurtër pushimi do t’i ketë shërbyer moderatores edhe për të menduar ndonjë risi në programin që ajo drejton…na mbetet të presim dhe të shohim.
(E.K/SHUPLAKA)
Discussion about this post